MAYON MONITORING STATION, NINAKAWAN NG MGA KABLE; OPERASYON, PARALISADO

Photo: DOST-PHIVOLCS Website 

Naparalisa ang operasyon ng Ligao Observation Station (VMLI) ng PHIVOLCS sa Barangay Paulog matapos manakaw ang mga mahahalagang kable nito.

Nadiskubre ang insidente noong Abril 19, 2026 sa gitna ng routine maintenance activity ng mga tauhan ng Mayon Volcano Observatory.

Mga Ninakaw na Kagamitan:

6 na metro ng solar cables

3 metro ng battery cables

5 metro ng liquid-tight conduit cables

3 metro ng LAN/FTP cables

Ayon sa PHIVOLCS, ang mga kable ay kritikal para sa autonomous power generation at real-time data communications ng istasyon. Ang kawalan nito ay nagpapahina sa monitoring ng Mayon Volcano, na kasalukuyang nasa ilalim ng Alert Level 3 dahil sa nagpapatuloy na effusive eruption.

Nagbabala ang ahensya na ang pagnanakaw o pagsira sa disaster equipment ay isang mabigat na krimen sa ilalim ng Republic Act 10344 o ang Risk Reduction and Preparedness Equipment Protection Act of 2012. Ang sinumang mahuhuli ay maaaring harapin ang:

Pagkakakulong ng 12 hanggang 15 taon

Multa na mula ₱1 milyon hanggang ₱3 milyon, o pareho

Nanawagan ang mga awtoridad sa komunidad na iulat ang anumang kahina-hinalang aktibidad para maprotektahan ang mga pasilidad na kailangan para sa kaligtasan ng publiko.